کراچی میں پولیس نے ملالہ یوسف زئی پر حملے ميں ملوث 4 وہابی دہشت گردوں کو ہلاک کردیا

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں سچل کے علاقے کوئٹہ ٹاؤن میں ہونے والے پولیس مقابلے کے دوران فائرنگ کے تبادلے میں 4 وہابی دہشت گرد ہلاک ہوگئے ہیں پولیس کے مطابق 4 وہابی دہشت گرد ملالہ یوسف زئی پر حملے ميں ملوث تھے۔ اطلاعات کے مطابق کراچی سچل کے علاقے کوئٹہ ٹاؤن میں ہونے والے مبینہ پولیس مقابلے میں 4 وہابی دہشت  گرد ہلاک ہوگئے ہیں۔ ایس ایس پی ملیر راؤ انوار کا کہنا ہے کہ کوئٹہ ٹاؤن میں وہابی دہشت گرد اور کالعدم تنظیم انصارالشریعہ کے دہشت گردوں کی موجودگی کی اطلاع پر چھاپا مارا گیا تاہم دہشت گردوں نے پولیس ٹیم پر فائرنگ کردی۔ جوابی فائرنگ میں 4 وہابی دہشت گرد ہلاک ہوگئے۔ علاقے میں ممکنہ طور پر دہشت گردوں کی موجودگی کے پیش نظر پولیس نے پورے علاقے کا  محاصرہ کررکھا ہے  اور گھرگھر تلاشی کا عمل جاری ہے۔راؤ انوار کا کہنا ہے کہ ہلاک  دہشتگردوں کاتعلق کالعدم تحریک طالبان سوات سےہے، مارےگئے دہشت گرد پاک فوجی افسران اور ملالہ یوسف زئی پر حملوں پر ملوث تھے، مقابلےمیں مولوی فضل اللہ کا کزن خورشید بھی مارا گیا ہے، دہشتگرد خورشید قائد آباد پولیس پر بم حملے میں بھی ملوث تھا۔